Ny dagleg leiar er tilsett på Garborgsenteret

Jærmuseet har tilsett Inger Undheim, Bryne, som ny dagleg leiar for Nasjonalt Garborgsenter i Time.

Inger Undheim er fødd på Bryne i 1975. Ho er utdanna cand.philol. frå Universitetet i Bergen våren 2003 med faga allmenn litteraturvitskap, religionsvitskap og nordisk hovudfag.

Ho fekk tildelt hovudfagsstipend frå Stiftinga Garborg-året 2001, og hovudfagsavhandlinga hennar har tittelen "Arne Garborgs Den burtkomne Faderen: Vedkjenning som sjølvframstilling kring 1900."

Ho har vore universitetslektor i nordisk litteratur ved UiS hausten 2003, og har undervist på Rosseland skule og Frøyland ungdomsskule. Sidan 2006 har ho arbeidd som immigrasjonskoordinator i firmaet Relocation.no i Stavanger.

Inger Undheim har lang røynsle som formidlar av Garborg, både som mangeårig sommarvert i Garborgheimen og på Knudaheio, som foredragshaldar og som ekstern Garborgformidlar i regi av Time kommune. Inger Undheim er for tida også leiar i Time Mållag, og er med i det faglege rådet for Nasjonalt Garborgsenter.

Den daglege leiaren tek til i stillinga 1. oktober 2010.

For meir informasjon:

Målfrid Snørteland
direktør
Tlf. 913 90 361

Inger Undheim
Tlf. 975 32 529

onsdag 16. juni 2010 11:13