SR-Bank gir inntil 9 millionar kroner i gåver til Nasjonalt Garborgsenter

Under eit pressemøte onsdag 16. juni vart det klart at SR-bank gir 9 millionar kroner i gåve til Nasjonalt Garborgsenter, som er under oppbygging på Bryne. Det var konsernsjef i SR-bank, Terje Vareberg, som saman med områdebanksjef for Jæren Elin Garborg og kommunikasjonssjef i SR-bank Thor Christian Haugland, overrakk gåva til direktør for Jærmuseet, Målfrid Snørteland og til ny dagleg leiar for senteret, Inger Undheim.

SR-bak gjev 5 millionar no, og vil så gi ei krone for kvar innsamla krone som vert samla inn lokalt fram til 4 millionar. Totalt vil dette utgjere 9 millionar frå SR-bank.

Terje Vareberg i SR-bank påpeika at banken har ein lang tradisjon med Garborg, og var òg hovudsamarbeidspartnar for stiftinga Garborg-året i 2001. Ei gåve av den storleiken vil vera med på å sikre vekst og utvikling i regionen.

Leiar i rådet for Nasjonalt Garborgsenter, Roald Bergsaker, kunngjorde òg at TS-Stangeland gir kr. 500 000 til senteret.

Garborgsenteret skal vera ein nasjonal formidlingsarena for å fremja interessa for Arne og Hulda Garborg og deira tankar og visjonar. Senteret skal inspirera til samfunnsengasjement, til å lesa og til å skapa, og vera ein sosial møteplass. Målet er at senteret skal opnast hausten 2011.

For meir informasjon:

Målfrid Snørteland
Direktør, Jærmuseet
Tlf. 913 90 361

Thor-Christian Haugland
Kommunikasjonsdirektør i Sparebank 1 SR-Bank
Tlf: 480 31 633

onsdag 16. juni 2010 11:11