Pressemelding: Vil sponse russebilar ved Strand, Bryne og Sauda vgs

Prosjektet Mot til å meina vil gjerne kjøpe annonseplass på to russebilar ved kvar av dei vidaregåande skulane i Strand, Bryne og Sauda til ein verdi av 5.000 eller 10.000 kroner. For å vinne må elevane kome med gode framlegg til korleis me kan få fleire ungdommar politisk interesserte.

 I samarbeid med kommunal - og regionaldepartementet gjennomfører kommunane Hjelmeland, Sauda og Time eit pilotprosjekt retta mot personar under 26 år. Målet er å snu trenden og auka det politiske engasjementet blant unge. Prosjektet som går over tre år, har som målsetjing å få fleire til å ta del i politisk arbeid, i politiske parti og organisasjonar fram mot 2011. Hovudmålet er auka talet på unge listekandidatar til kommune - og fylkestingsval, og at fleire unge får plass i kommunestyra.

Elevane ved dei vidaregåande skulane blir no utfordra på spørsmål som: korleis kan me få fleire ungdommar til å bli engasjerte i politisk arbeid? Korleis få fleire til å nytte røysteretten? og kva medium skal me bruke for å få bodskapen fram? Dei beste forslaga vert altså premierte med kjøp av annonseplass på russebil.

Her er nokre elevar som de kan ta kontakt med :

Bryne vgs: Tore Gudmestad (92483238)

Strand vgs: Kjell Petter Hetland (45229815)

Sauda vgs: Maria Storesund Brekke (90787281) og Britt Mari Engeskar (99531929)

For meir informasjon, ta kontakt med

Einar Schibevaag

 91 30 89 72

onsdag 17. februar 2010 13:35