Pressemelding: Valdebatt styrt av ungdommen!

Som ein del av valprosjektet Mot til å meina for kommunane Time, Hjelmeland og Sauda vil det måndag 7. september kl. 20.00 bli arrangert valdebatt i Storstova på Jæren, Bryne.

Det er elevar frå Bryne, Strand og Sauda vgs som skal planleggja debatten, det er også elevane som skal stille spørsmål undervegs i debatten som er open for alle.

Elevane vil førebu seg til debatten og bli samde om tema og spørsmål søndag 6. september, men dei håpar også å få inn spørsmål frå publikum undervegs.

Desse politikarane kjem til debatten: Magnhild Meltveit Kleppa (Sp), Bent Høie (H), Gunnar Kvassheim (V), Tore Nordtun (Ap), Ingrid Fiskaa (SV), Morten Borgli (Frp) og Jan Gunnar MAttingsdal (Krf).

Valprosjektet Mot til å meina har som mål å auke den politiske interessa og deltakinga blant unge under 26 år. Det er Garborgsenteret på Bryne som driv prosjektet som skal gå fram til 2011.

Les meir om Garborgsenteret: www.garborg.no

For meir informasjon om prosjektet eller valdebatten, ta kontakt med:

 Dagleg leiar Nasjonalt Garborgsenter

Einar Schibevaag

91 30 89 72

Utstillingsleiar Nasjonalt Garborgsenter

Gunhild Hammeraas

90 47 56 56

torsdag 03. september 2009 13:30