Pressemelding: Kommunalministeren til Garborgsenteret

2 og 3 juni er det inspirasjonssamling for ungdomsgruppa til Garborgsenteret på Jæren Hotell.

Tysdag 2. juni kl. 08.30 på Jæren Hotell vil Kommunal - og regionalminister Magnhild Meltveit Kleppa møte ungdomsgruppa som skal kome med innhaldet i det planlagde Garborgsenteret på Bryne.  Ho skal snakke om å skape eit større samfunnsengasjement hjå ungdom, med bakgrunn i regionalmeldinga. Ho vil også ta tak i forsøket med å få røysterett for 16 åringar.

Ungdomsgruppa som skal kome med innspel til innhaldet i senteret er sett saman av elevar frå dei vidaregåande skulane i kommunane Asker, Bryne og Tynset. I tillegg er det invitert andre elevar frå Time og Bryne vgs til inspirasjonssamlinga.

Garborgsenteret ynskjer også å stimulere til meir politisk deltaking og engasjement via prosjektet Mot til å meina. Via det toårige pilotprosjektet Mot til å meina skal ein prøve å auke den politiske interessa og deltakinga i tre utvalde kommunar, Sauda, Hjelmeland og Time. Sentralt i arbeidet står dei tre vidaregåande skulane som kommunane soknar til; Sauda, Strand og Bryne vgs. Det er sett ned ei gruppe med elevar frå dei tre vidaregåande skulane. Denne gruppa skal gi råd om korleis ein kan motivere ungdom til politisk engasjement og meine noko om kva som må til for få fleire ungdommar med i politisk arbeid.

Vedlegg: Program for 2 og 3 juni

For meir informasjon, ta kontakt med

Dagleg leiar Nasjonalt Garborgsenter

Einar Schibevaag

torsdag 28. mai 2009 10:15