- Framtidsretta senter

Jorunn Osland (31) ser fram til å utarbeide ein pedagogisk profil for Nasjonalt Garborgsenter på Bryne.

- Eg skal jobbamed å utarbeida ein pedagogisk profil, å gjera senteret interessant og aktueltfor skular å bruka i undervisninga. I den samanheng skal eg ha kontakt med skular og utarbeida pedagogiske opplegg knytt til senteret si utstilling oggenerelt rundt Garborg-relaterte emne, seier Osland som byrjar i stillinga 1. august.

Ho meiner dette vil bli ein utfordande jobb på eit framtidsretta senter.

- Eg har òg stor tru på at det er mange aktuelle tema ein kan ta tak i i samband med Garborgane, dette skal ikkje bli eit tørt museum med støvete monterar, dette vert ei utstilling der dei besøkjande er aktive og deltakande i si eiga oppleving.

Jorunn Osland er sjølv fødd og oppvaksen i Time kommune, heimkommunen til Arne Garborg, og har alltid kjent seg knytt til forfattarskapen hans.

- I tillegg har eg i mange år drive med folkedans, ei avHulda Garborg sine store interesser, slår ho fast.

I dag arbeider Osland som norsklektor i vidaregåande skule. Ho har master i nordisk, der sjølve mastergradsprosjektet dreidde seg om SMS-språk blant unge på Jæren.

Kommentarar (0)

RSS for kommentarar

Namn

E-post

Heimeside

Tittel

Kommenter

mindre tekstfelt | større tekstfelt

Motta via e-post (Berre registrerte brukarar)

Eg har lese og aksepterer Vilkår for bruk.

Legg inn kommentar

Skrive av Judith S. Litlehamar torsdag 20. mai 2010 13:00