- Eit eige stammespråk?

Student og medlem i sentralstyret til NMU, Jostein Avdem Fretland, meiner kommunane bør kome seg på Facebook for å få fleire ungdommar til å lese politiske saker. 

- Ikkje tru at det å publisere saksdokument på nettet gir reelt innsyn, seier han.

Fretland har sett på politiske sakspapir frå fleire kommunar for å sjå kor vanskeleg det politiske språket er, og la fram resultatet under Mot til å meina - konferansen i Stavanger i dag. Han meiner det er mange ord som skaper avstand mellom politikarane og dei unge lesarane.

- Eg fekk ein lengre epost frå Hjelmeland kommune med ei forklaring på kor eg skulle finne budsjettsaka i kommunen. Kvifor fekk eg det når det er så mykje enklare å berre google kommunen og budjsett, då kjem det opp med ein gong. Det er slik ungdommane tenkjer. Internettkvardagen vår er basert på klikk, seier Fretland som fleire gonger nesten gav opp då han skulle leite seg gjennom dei kommunale papira.

Han meiner kommunane bør endre på språket sitt, og gjere det enklare.

- Tenk som ei avis. Dersom ei avis hadde brukt det same språket som det er i kommunale dokument ville ikkje ungdommen lese lokalavisa så mykje som dei gjere i dag. Og det er jo nettopp dei kommunale sakene som kjem i lokalavisa som ungdommane er mest interesserte i. Og bruk Facebook som ein kanal til å fortelje om sakene.

- Få råd frå dei unge sjølve som er lesarane. Og lag ulike saksdokument til ulike grupper lesarar, meiner Fretland.  

Kommentarar (0)

RSS for kommentarar

Namn

E-post

Heimeside

Tittel

Kommenter

mindre tekstfelt | større tekstfelt

Motta via e-post (Berre registrerte brukarar)

Eg har lese og aksepterer Vilkår for bruk.

Legg inn kommentar

Skrive av Judith S. Litlehamar torsdag 06. mai 2010 14:20