6. - 7. mai vert det arrangert ein konferanse om korleis ein kan auka det politiske engasjementet blant unge.

I samarbeid med Kommunal- og regionaldepartementet gjennomfører kommunane Hjelmeland, Sauda og Time kommune eit pilotprosjekt retta mot personar under 26 år. Målet er å snu trenden og auka det politiske engasjementet blant unge. Korleis skal me få til det? 6. - 7. mai 2010 arrangerast ein konferanse i Stavanger med føremål å finna ut av dette. Aslak Sira Myhre, Frank H. Aarebrot, Liv Signe Navarsete, Jostein Fretland, Hadia Tajik og Rune Hetland er blant føredragshaldarane og debattantane. Målgrupper for konferansen er politiske parti, valstyra, valarbeidarar i kommunar, pedagogisk personell i skulen, media og ungdomsorganisasjonar. I tillegg bør konferansen vera av spesiell interesse for kommunar som skal gjennomføra val for 16-åringar.

Program for konferansen

Nasjonalt Garborgsenter, som er ein del av Jærmuseet, samarbeider med prosjektet "Mot til å meina". Senteret har som ei av hovudoppgåvene sine å engasjera til debatt og deltaking i  samfunnsprosessar for å byggje opp om demokratiet.