- Endeleg er me i gang!
Det seier ordførar Arnfinn Vigrestad når kommunen inviterer til markering av byggestart for Time bibliotek og Nasjonalt Garborgsenter måndag 17. august kl. 10. - Me har jobba med denne saka i over 15 år, og no skal det bli godt å setja spaden i jorda.
Kommunen har invitert særskilt alle 5.-klassingane i Time til å vera med på markeringa, og det skal bli både talar, song og sjølvsagt litteratur.
- Me har fått kommunal- og regionalminister Magnhild Meltveit Kleppa til å starta gravinga, og det er ei god markering av at dette skal verta eit viktig hus for heile landet. Forfattaren Bjørn Sortland kjem og les, og Synneva Erland og Bjor Bohne skal bidra musikalsk. Dette vert ei gild markering, seier ordføraren.
Markeringa vert på bibliotektomta, som ligg rett sør for det nye høghuset. Det vil verta merka med band slik at folk kan koma seg til staden der markeringa skal gå føre seg.
RSS for kommentarar
Skrive av Nasjonalt Garborgsenter torsdag 13. august 2009 13:59
To menn på feil klode Sommaren 1893 fekk Arne og Hulda overraskande besøk på Kolbotn. Diktarkometen Sigbjørn Obstfelder hadde funne ut at han ville treffa Arne Garborg, men utan å tenka gjennom kva det var han ville snakka med han om. Les meir: To menn på feil klode |
Den gode arven Forfattar og litteraturforskar Sigrid Bø Grønstøl snakka om forskjellsfeminisme på Hulda Garborg sin 150-årsdag. Les meir: Den gode arven |
