Nasjonalt Garborgsenter og Universitetet i Stavanger har signert ein intensjonsavtale om samarbeid. I avtalen heiter det at "UiS sitt mangfaldige fagmiljø vil ha mykje å tilføra utviklinga av og verksemda til Nasjonalt Garborgsenter, samstundes som Nasjonalt Garborgsenter vil kunne verka inspirerande på undervisning og forsking ved UiS." Konkret skal fagpersonale ved UiS "medverka i den vidare utviklinga av det faglege innhaldet i Nasjonalt Garborgsenter, t.d. i dokumentasjons- og utstillingsdelen og i formidlingsopplegg". Dette utviklingsarbeidet tek til hausten 2007.

Partane tek sikte på at "samarbeidet i prosjektperioden skal munna ut i ein ny samarbeidsavtale for driftsfasen av Nasjonalt Garborgsenter".