Schibevaag held fram
- men blir ikkje ein del av den permanente leiinga ved Nasjonalt Garborgsenter. Einar Schibevaag har i snart to år arbeidd med realiseringa av senteret. Prosjektet er no i oppstarten med konkretisering av utstillingsdelen i senteret. Schibevaag seier det er ingen dramatikk i at han no melder om sin avgang.
Senteret treng ei leiing som kan ta over prosjektet i god tid før opninga. - Derfor valde eg å informera om dette no slik at leiinga i Jærmuseet har tid på seg til å finne den som skal drive senteret vidare frå 2011. Schibevaag gler seg til den fasen ein no går inn i med å konkretisera ei spanande og utfordrande utstilling. Han vil leia arbeidet så lenge det er tron for han, førebels fram til sommaren. Han har og sagt seg villig til å bidra vidare men då ikkje i ein leiande posisjon.
- Eg bur i Ryfylke og det blei uråd for meg på grunn av familiesituasjonen min å sitja i ei leiande stilling for dette prosjektet utover denne perioden.
Garborgsenteret skal bli eit kunnskapssenter på Jæren, som skal inspirera til samfunnsengasjement, til å lesa, til å skapa og formidla kunnskap basert på dei nasjonale og internasjonale visjonane til Hulda og Arne Garborg. Eit senter lokalisert i eit kunnskaps- og læremiljø i utvikling på Bryne. I eit spanande bysentrum skal Garborgsenteret bli ein pulserande samlingsstad i eit innovativt fellesskap.
Unge menneske skal stå i sentrum når innhaldet skal planleggjast og presenterast og vera knytt til dei ideane og regionane diktarparet er kjent for.
RSS for kommentarar
Skrive av Nasjonalt Garborgsenter fredag 02. oktober 2009 13:17
To menn på feil klode Sommaren 1893 fekk Arne og Hulda overraskande besøk på Kolbotn. Diktarkometen Sigbjørn Obstfelder hadde funne ut at han ville treffa Arne Garborg, men utan å tenka gjennom kva det var han ville snakka med han om. Les meir: To menn på feil klode |
Den gode arven Forfattar og litteraturforskar Sigrid Bø Grønstøl snakka om forskjellsfeminisme på Hulda Garborg sin 150-årsdag. Les meir: Den gode arven |
