Her er vinnaren!
Ei bie sprengjer seg ut av glaset. Fotograf: Hallgeir Braut.
Laurdag klokka 14.00 var det kåring av vinnar i fotokonkurransen FRIDOM. Kring 40 menneske hadde møtt opp, mange av dei håpefulle fotografar. Juryen, ved juryformann Kristin Frafjord, gjorde reie for konkurransen og valet av finalistar. Nesten 200 bidrag kom inn, og ti bilete i kvar kategori vart plukka ut til utstillinga. Publikum avgjorde, 234 menneske avga si stemme frå onsdag til laurdag.
Vinnarane vart:
0-14 år: Hallgeir Braut.
15-25 år: Tina Hetland.
26 år og eldre: Frode Risan.
Her får hovudvinnar Hallgeir Braut premien sin, overrekt av juryens Marita Baklund.
Hallgeir Braut kunne fortella at han hadde manipulert biletet på iPaden sin. Han tok eit syltetøyglas, øydela loket og fotograferte det. Så sette han inn bia og splintane etterpå. I lag med dei andre gruppevinnarane får han biletet sitt trykt på pleksiglas 50x70cm. Som hovudvinnar, Hallgeir fekk totalt 47 stemmer, fekk han i tillegg eit speglreflekskamera gitt av Elite Foto på Bryne.
Her er biletet som vann i klassa 26 år og eldre. Fotograf: Frode Risan.
Tina Hetland vann i klassa for dei mellom 15 og 25 år.
Finalebileta blir hengande på Garborgsenteret/Time bibliotek inntil vidare. Dei andre innsendte bidraga vert vist på skjerm. Så det er framleis mogleg å sjå dei.
Fotokonkurransen var sponsa av:
RSS for kommentarar
Skrive av Nasjonalt Garborgsenter laurdag 28. januar 2012 13:46
To menn på feil klode Sommaren 1893 fekk Arne og Hulda overraskande besøk på Kolbotn. Diktarkometen Sigbjørn Obstfelder hadde funne ut at han ville treffa Arne Garborg, men utan å tenka gjennom kva det var han ville snakka med han om. Les meir: To menn på feil klode |
Den gode arven Forfattar og litteraturforskar Sigrid Bø Grønstøl snakka om forskjellsfeminisme på Hulda Garborg sin 150-årsdag. Les meir: Den gode arven |
