Garborg og taterkulturen
Onsdag 3. november kl. 19.00 går første arrangement i Nasjonalt Garborgsenter av stabelen. Forfattar og taterson Kristian Bredesen kjem til Garborgsenteret på Bryne med eit todelt foredrag.
Den eine delen handlar om Arne Garborg sitt venskap med tateren Martin Johan Mathiassen Skau, og den andre delen vil vera om Bredesen sjølv, og omstreifarmisjonen sett i lys av kyrkjemøtet i 2002.
Arne Garborg og Martin Johan Mathiassen Skau delte hybel medan dei to var lærarstudentar ved lærarskulen til Velle Vellesen på Time. Sjølv om vegane deira seinare skildest, hadde dei god kontakt med kvarandre gjennom livet.
Føredragshaldar Kristian Bredesen har skrive fleire bøker, mellom anna ”Tatersønn”, ”Taterblod” og ”Taterbiskopen”.
Ivan Storm Juliussen vil spele og framføra nokre songar.
Det blir og song med Evy Lode Jonassen, akkompagnert av Harald Undheim på toradar og Jan Jonassen på gitar.
Servering av kaffi og kaffimat.
Billett kr. 100,- kjøper du i døra.
RSS for kommentarar
Skrive av Nasjonalt Garborgsenter fredag 22. oktober 2010 08:00
To menn på feil klode Sommaren 1893 fekk Arne og Hulda overraskande besøk på Kolbotn. Diktarkometen Sigbjørn Obstfelder hadde funne ut at han ville treffa Arne Garborg, men utan å tenka gjennom kva det var han ville snakka med han om. Les meir: To menn på feil klode |
Den gode arven Forfattar og litteraturforskar Sigrid Bø Grønstøl snakka om forskjellsfeminisme på Hulda Garborg sin 150-årsdag. Les meir: Den gode arven |
